سبب وفاة مشجع ودادي أيوب نافوخي رحمه لله

"إنا لله و إنا إليه راجعون"

هؤلاء ليسوا بأطفال الحجارة في فلسطين ولكن معركة تراشق بالحجارة بين أبناء جلدة واحدة التي تسمي نفسها الألتراس أو الهوليكانز.

‫"مباراة الجيش الملكي ضد الوداد : وفاة حمزة البقالي

مبارة الجيش الملكي ضد الوداد : وفاة ايوب النافوخي !

علاش سوسي معادي مع مراكشي علاش فاسي معادي مع مكناسي علاش بيضاوي معادي مع رباطي علاش طنجاوي مضارب مع تطواني وفلخر كانلقاوهم جيران عائلة وحدة وجنسية وحدة ومن هادشي كامل مسلم ودم واحد لوقت ليخصنا نحاربو ليهود ليسببو فسيد الخلق عليه الصلاة والسلام وحنايا ليطاح فمقلا اتقلا انتي دوك ناس وهضرة خاوية وهو ما عندو تا قيمة فالمجتمع فكرو مزيان الخوت واعيدو النظر فهاد المسائل وشكرا
خير مثال يوسف المعطاوي ولد سيدي مومن لي مات في ديربي و زيد حمزة البقالي و أيوب نافوخي

عايشين فبلاد وحدة كحلة و دايرين هادشي بيناتنا واخا نكونو يهود حنا ، اللعابا كايساليو الماتش كاياخدو الپريم ديالهم و حنا يسالي الماتش كايوصل للميمة وليدها فصندوق .. وا عباد الله اليوما غادي ندوي نيشان لي باغي يدير فيها كاين يمشي لفلسطين ولا سوريا ، العراق ... و يبين على لي عندو ضد اليهود ماشي ضد خوه من لحمو و دمو مفرقاهم غير 1OO كلم ديال الطريق ، ها العار أنا بغيت لي قرا هاد النداء يتخيل اللحظة لي كاتسمع فيها الواليدة بلي ولدها وصل عند الله و سبابو الكورة ، الله يلعن بو شي كورة ولا شي إيلطراس الا كانت بحال هكا ، موحال واش نفهو حنا أصلا معنى " عقلية الإيلطرا " ، فيراجيست غادي يديپلاصا باغي غير يزها و ينشط مع خوتو كايصدق فما هي و ما لونها .. علاش كانصدقو فهاد سفك دماء خونا مغربي ذنبه مشجع للفريق الخصم ، نقطة أخرى .. ما محل الأمن في مثل هاد النزاعات ولا كل واحد خايف على راسو ، و فيناهما مسؤولين الفريق لي بسباب النادي مشا ضحية شحال من واحد ، هاد الهدرة خارجا من القلب و موجة لكل ودادي ، رجاوي ، مصاوي ، عسكري ، قنيطري ، تطواني .... الجمهور آلمغربي عامة ،، و إبتداء ا من اليوم غادي نبدا نهدر مع بنادم و نقاوم جماهير الفريق المنافس في حدود الكرة و الفريق بعيدا على التعصب ... ماشي خوفا و لكن إحتراما لهم و حيت كانفكر في الواليدين بالدرجة الأولى ( الله يسمح لينا منهم ) !

لنغير سلوكنا."

La mort n'a pas de couleurs , Rouges et Verts partagent la même douleur Repose en paix Ayoub Nafoukhi .

"فيديو يبين الحادثة التي تعرض اليها أيوب النافوخي رحمه الله

لنغير سلـــوكــــنـــا
الله يرحمك .. إنا لله و إنا إليه راجعون‬"

‫"الكل يقول أن سبب العداوة بين المدن هم القاصرين و الإلترات بشكل كبير
كيف ترى هذه الوضعية ؟
ما هو السبب الرئيسي وراء هذا المشكل ؟
ما رأيك ؟
ما الحل لإيقاف العداوة ؟
للنقاش بٱحترام"

‫"كثر القيل والقال حول موضوع وفاة أبرياء نتيجة ذهابهم لتشجيع فرقهم .
أين نحن ذاهبون بهده الأفعـــــآل أو بالأحرى أفكار ...
واش فبالكم "الإلطراس" قتال .. أولا أحببتم تلقيبَـهـــآ بالفتنة ،

تلك نتائج سلبية لجماهير عاشقة تضحي بالغالي والنفيس حبا في فريقها ،،
ما تابعناه مأخرا وفاة مشجع من أنصار الوداد البيضاوي مباراة "الجيش x الوداد " واش نسيتو ما كان <مـُـأطر> له لجماهير الفريقين "الوداد x الجيش ،العام الماضي" حيث أتو ببلطجيين ليتم <افتعال> حالات شغب داخل الملعب ...
وها الدورة الثانية أسفرت عن مقتل أخ لنا "إنا لله وإنا إليه راجعون"
(مع كل احترامي لكل فيراجيست) شخصيا أرجع السبب لأنصار الوداد "الوينرز + السوبراس" في آخر مباراة هذه ، أولا بيناتهم في صراع و ثانيا معلنين عن كورطيج .. إلى أين ؟؟

"المخزن <اللي فوق المخزن> أما هم غير مسيرين مافاهمينش علاش" را خاصو غير يتهناو من "الحركية" ويديرو مابغاو ما بين الجماهير مستغلين العداوة ..."

‫"صورة في سنة 2007 ، لماذا العداوة ؟
هل يمكن أن يجمع شمل الإلترات المغربية و تتضامن و تتسامح للأنا في الأول و الأخر نحن مسلمون"

"لو لم تكن أفكـــآر الألطراس هــــآدفة ، وتلمس أهداف توعي العـــــــــآمة ...

لمـــآ لاحظنا <افتعـــآل> حالات شغب و عداوات سببهــــآ "بلطجيين" أحبو الفســـــــآد ."

"فيديو حادثة الأخ أيوب نافوخي نشرناه و لم نحذفه لكي تصل الرسالة لجميع الشباب الذين تم غسيل دماغهم.. و لكي يعرف الجميع من المخطئ, صراحة حتى بعض المجموعات تتحمل جانبا من مسؤولية ما يحصل.. نداء إلى نواة المجموعات خاصة في المغرب.. لا يعقل كل شهر يقتل واحد منا بسبب سوء تأطير المجموعات لأعضائها.. ثقفوا أعضاءكم و عرفوهم المعنى الحقيقي للإلتراس.. و تحية من هذا المنبر للفاطال تايغرز التي دقت ناقوس الخطر قبل أشهر وكدلك التراس ستار بويز جاء منها بيان بانها ترحب بجميع الجماهير المغربية في مدينتها , فمن هي التالية ? .. أما إن كان الوضع يروق لكم.. فإستمروا على ما أنتم عليه من تغييب عقول الشباب التي تتساقط أرواحهم تباعاً مدافعين عن أمور وهمية غزت عقولهم.. و نكررها عش الإلتراس بما لا يخالف عقيدتك و أخلاقك و مبادئك.. أما حان الوقت لهذه الأمة أن تستيقظ من سباتها ؟‬"

"هادشي مبقاش تايفرح الخوت البارح الرباطي و اليوم بيضاوي او غدا صاحبي اوا من بعد خويا قدام عينية ....خاصنا كاملين نضامنوا ضد البراهش لي خصروا الحركية في الماروك لي خداوها بمنطلق العنصرية على الطريقة الصليبية بما انهم ماقدوش ا وصلوا الدماغ ديال الشعوب العربية قدروا ادخلوا لينا بالكورة حيتاش عارفينها هي لي تتخدر الشعوب
فرحونا في المواقع الاليكترونية باحسن التصنيفات العالمية(tifo.cortége.déplacment)
و لصراحة ان دوك المواقع غير معترف بها ....اسف هادشي كامل عرفناه و لكن البراهش ديالنا هوما الضحية حيتاش نسينا بانا حنا مسلمين او عايشين في دولة اسلامية
لي هي الماروك بلاد الخاوة و التسامح من الشمال الجنوب و من الشرق الغرب... تنرحب بالبراني(السياح) او تنضرب في خوتنا (بيضاوي.رباطي.خريبكي.فاسي.قنيطري...)انا نسامح و نتا تسامح و كلنا نسامح من اجل الحد من هدر دماء خوتنا لي قد ا كون صاحبك و لا خوك
"جميعا ضد الكورطيج و الافكار العنصرية في الملاعب المغربية""

‫"لمادا هدا النفاق في الاترات في المغرب
تايديرو كورطيج و منين تايموت واحد تايوقول ليك خاص يتفتح تحقيق
منين ماباغين لا اصابات لا والو لاش تاديرو كورطيج .؟ علاش ماتحيدوش غاع العداوات؟ علاش ماتجتامعشو و تافقو بيناتكم و تاحدو ؟

انا ماتانهضرش على مباراة الوداد و الجيش تانهضر على جميع المقابلات لي تايكون فيهم اصابات و تاموتو فيها المشجعين لي ماعندهم تا دنب"

هذه بعض التعليقات التي نشرت على صفحات "الفيسبوك" ولكن يبق في في الأخير هدر أرواح بريئة لأننا بعيدين كل البعد عن التأطير والتنظيم والتشجيع الحضاري ناهيك عن شرذمة قاصرين لا نشاهدهم إلا في ملاعبنا العربية. هذا هو الربيع العربي الرياضي وإلا فلا!!

ولكم حرية التعليق!!!

https://alhoceima.fr/image_bouton_ind..._alhoceima.gif

https://www.soft4sat.com/carte_respecte.gif