قديم 2012-06-20, 22:18
رقم المشاركة : 1  
الصورة الرمزية fars2000
fars2000
:: صديق المنتدى ::
فرصة عمل رائعة

فرصة عمل رائعة

مطلوب رئيس فى الحال

****************************


ياولاد الحلال
... مطلوب فى الحال
رئيس جمهوريّه
مش ضرورى يكون شخصيه
مطلوب واد مدردح
واد فهلوى ومفتّح
مش عجوز أوى و مكحكح
يقرفنا بقيل وقال

واد صريح العباره
مكلمنجى وكلّه شطاره
يبيع أبوه بسجاره
ولا له عم ولا خال

وتكون له بطاقه شخصيّه
أبوه حرامى وأمه حراميّه
وشهادة محو الأميّه
ويكون من عيلة أندال

اللى فيه المواصفات
عليه احضار الأتى :-
شهادة سوء سمعه و سلوك
مختومه من الفيسبوك
وشهاده من البنوك
ان رصيده صفر وشوية صكوك

وصحيفة حالته الجنائيه
مثبوت له كام قضيّه
وساقط فى ابتدائيه
وحلم حياته يكون زبّال

ياولاد الحلال
ساعدونا يارجال
وده منصب مش بطّال
والمكسب عال العال
مطلوب رئيس جمهوريه
صتاعه محليّه
بلطجى.. عربجى.. برمجى
وحينجح بالتزكيّه
عارفين ليه ياأفتديّه ؟
علشان المر اللى شربناه
من ايد عرفت تخدعنا
من غش وذل عرفناه
وحياه مالهاش طعم ولا معنى
نضال ابطال ضحكوا علينا
وكتبوا تاريخ مليان أكاذيب
وقالو مبادىء قالوا شرف
وشعب ساكن فى السراديب
النهارده ساكنين القفص
وكل لص جايب له ديب !!

عايزين حرامى اى حرامى
نختاره احنا بمزاجنا
واضح صريح قدامى
مش كلب يلعب بعقولنا
وكفايه عواجيز الغفله
ترحل بقى من عالمنا
كانوا عيون للظلم ف يوم
واللى يبوس ايد الظالم
عمره ف يوم ماينفعنا
ولا مره تانيه يخدعنا


ياولاد الحلال
التعديل الأخير تم بواسطة samirino ; 2012-06-22 الساعة 15:55.
قديم 2012-06-22, 16:06
رقم المشاركة : 2  
samirino
:: سوفت ماسي ::
افتراضي رد: فرصة عمل رائعة
مشكور أخي الغالي على الموضوع. فأنا جد مستغرب أنه إلى حد كتابة هذه السطور لم يتقدم أي مرشح تتوفر فيه الشروط والمواصفات في طلب العمل. فالحمد لله بلداننا تزخر بالأشخاص العاشقين للكراسي الرئاسية باقتراع مباشر أو غير مباشر.
إضافة رد
 

مواقع النشر (المفضلة)


فرصة عمل رائعة


« الموضوع السابق | الموضوع التالي »

أدوات الموضوع

الانتقال السريع


الساعة الآن 00:22
المواضيع و التعليقات المنشورة لا تعبر عن رأي منتديات سوفت الفضائية
ولا نتحمل أي مسؤولية قانونية حيال ذلك ( ويتحمل كاتبها مسؤولية النشر )
Powered by vBulletin® Copyright ©2000 - 2023, vBulletin Solutions, Inc